काठमाडौँ — सामाजिक सञ्जालमा नयाँ–नयाँ स्वादका खानेकुरा तथा पेय पदार्थको चर्चा भइरहन्छ । अहिले ‘एग कफी’ चर्चामा छ । यो कफीको संस्कृति १९४० को दशकमा भियतनामको हानोईबाट सुरु भएको हो । यसलाई भियतनामी भाषामा 'का फे ट्रोङ' भनिन्छ ।

यसमा अण्डाको पहेंलो भागलाई चिनी र कन्डेन्स्ड (गाढा) दूधसँग घोलिन्छ । त्यसपछि उक्त मिश्रणलाई कडा भियतनामी कफीमाथि खन्याइन्छ । मिठो, सफ्ट ड्रिंक्स ‘एग कफी’ तयार हुन्छ । सामाजिक सञ्जालमा धेरैले यसलाई मार्समाल्लो मिठाईसँग तुलना गरेका छन् ।  

इटलीमा यस्तै प्रकारको परम्परागत पेय पदार्थ ‘जाब्ल्योनेन’ लोकप्रिय छ । त्यसमा पनि अण्डाको पहेंलो भागलाई चिनीमा घोलेर कफीसँगै सर्भ गर्ने गरिन्छ । १८ फेब्रुअरीमा इस्टाग्राममा फैलिएको एउटा ‘एग कफी’ को भिडियोमा ४ लाखभन्दा धेरै लाइक आएको थियो । 

‘विश्वको उत्कृष्ट कफी,’ एक व्यक्तिले कमेन्टमा लेखेका थिए ।  सामाजिक सञ्जालमा यस्ता धेरै भिडियोहरु छरपस्ट छन् । 

तर यस कफीको फाइदाभन्दा स्वास्थ जोखिम धेरै रेहेको अमेरिकाको जर्जिया बस्ने फिजिसियन एमडी सुजाथा रेड्डीले बताइन् । यसले साल्मोनेला ब्याक्टेरियाको संक्रमण गराउनसक्ने उनले बताइन् । साल्मोनेला ब्याक्टेरियालाई पूर्णतः  निस्क्रिय बनाउन अण्डा पाकेको हुनुपर्ने रेड्डीले बताइन् ।