उनले भाइरसले रोग पत्ता लगाएपछि अस्पतालमा नै उपचार गरिने बताउनुभयो। यस्तै प्रयोगशालामा मस्तिष्क सङ्क्रमण सम्बन्धी छ वटा भाइरसको पनि एकै पटक परीक्षण सुरु गरिएको विभागका प्रमुख डा. ठाकुरले जानकारी दिए। प्रयोगशालामा फोक्सोबाहेक अन्य भागमा लाग्ने क्षयरोगको पनि परीक्षण गरिन्छ। विसं २०७३ मा अनुवांशिक (जेनेटिक) रोगको पहिचान र उपचार गर्न स्थापना गरिएको प्रयोगशालामा जनशक्ति तथा उपकरण अभावले रोगको परीक्षण नियमित हुन सकेको छैन।

जिन (वंश)मा भएको अवस्थाले जन्मिने रोगलाई अनुवांशिक रोग भनिन्छ। ‘सरकारी रुपमा अनुवांशिक रोगको पत्ता लगाउने यही नै प्रयोगशाला रहेको छ’, उनले भने, ‘तर, हामीसँग तीन जना मात्र जनशक्ति भएको र उपकरण पनि प्रयाप्त मात्रामा नभएका कारणले दैनिक रोगको परीक्षण गर्न सकिरहेका छैनौं।’उनका अनुसार एक दिन बिराएर पालोअनुसार रोगहरुको परीक्षण गर्ने गरिएको छ। अहिले प्रयोगशालामा २५ वटा अनुवांशिक रोगका भाइरसको नियमित परीक्षण गरिन्छ।