काठमाडौँ — आठौं एक्स्ट्रिम इनर्जी रेडियो कान्तिपुर नेसनल म्युजिक अवार्ड-२०८२ को उत्कृष्ट पार्श्व गायकको अवार्ड जोन चाम्लिङ राईले पाएका छन् ।

पुल्चोकस्थित प्लाजामा शुक्रबार आयोजित रेडियो कान्तिपुरको २८औं वार्षिकोत्सवका अवसरमा ‘माया गर्नु ल’ गीतका लागि राईलाई उक्त अवार्ड दिइएको हो ।

उनीसँगै उत्कृष्ट पार्श्व गायकको सूचीमा 'चाहिँदैन महर' का लागि शरद हुमागाईं, 'तिम्रो मलाई हुनि मन छ' का लागि साईराज खाती, 'धेरै भयो'का लागि केतन क्षेत्री र 'कागजको खोस्टो'का का लागि पुष्पन प्रधान छनोट भएका थिए ।

राई नेपाली सुगम संगीतमा उदाउँदा कलाकार हुन् । धरानका उनी स्कुले जीवनदेखि नै संगीतमा रुचि राख्थे । सामाजिक सञ्जालमा आफ्ना ‘र’ गायनका भिडियो राख्थे । त्यसैबाट उनी श्रोतामाझ चिनिएका हुन् । उनको औपचारिक सांगीतिक यात्रा भने सन् २०२० मा सार्वजनिक भएको उनको पहिलो डेब्यु गीत ‘प्रश्न’ बाट सुरु भएको हो ।