अस्ट्रेलिया — दक्षिण अस्ट्रेलियामा एक महिनापछि हुन लागेको 'नेपाल महोत्सव'को तयारी तीव्र पारिएको छ । राज्यको राजधानी एडिलेडको मुख्य पर्यटकीय क्षेत्र एल्डर्स पार्कमा यही मार्चको ९ तारिखमा नेपाल महोत्सवको आयोजना हुन लागेको हो ।

प्रवासी नेपालीको संगठन एनआरएनएले महोत्सवको तयारीका बारेमा बुधबार पत्रकार सम्मेलनको आयोजना गरेर जानकारी दिएको हो । एनआरएनए दक्षिण अस्ट्रेलियाका अध्यक्ष सञ्जय पुरीले महोत्सवको माध्यमबाट अस्ट्रेलियामा रहेका अन्य समुदायलाई नेपाली कला संस्कृति तथा पर्यटनसँग जोड्ने उद्देश्यले महोत्सव हुन लागेको बताए ।

उनले यसका लागि अनुमानित १ लाख ५० हजार डलर खर्च हुने र त्यसका लागि करिब १ लाख डलर जुटिसकेको जानकारी दिएका थिए । कार्यक्रममा महोत्सवका लागि बुमराङ इन्टरनेसनल र अधिकांश नेपाली विद्यार्थी अध्ययन गर्ने फ्ल्न्डिर्स युनिभर्सिटीले २० हजार डलर सहयोग गर्ने घोषणा गरेका थिए ।

नेपाली कला संस्कृति, पर्यटन तथा परम्पराको जर्गेना गर्न र समुदायमा सहयोग पुर्‍याउनका लागि हातेमालो गर्न लागेको बुमराङ इन्टरनेसनलका प्रमुख आशिष वाग्लेले पत्रकार सम्मेलनमा बताए । 

पत्रकार सम्मेलनमा महोत्सवको लोगो सार्वजनिक गरिएको थियो भने महोत्सव व्यवस्थापक संयोजक तथा संस्थाका उपाध्यक्ष विनोद बानियाँले अहिलेसम्म भइसकेको प्रगतिका बारेमा जानकारी गराएका थिए । उनले महोत्सव सफल बनाउनका लागि दर्जन बढी उपसमिति निर्माण गरेर कामलाई तीव्रता दिइएको बताए ।

महोत्सवमा १० हजार बढीले सहभागिता जनाउने अपेक्षा गरिएको छ भने राज्य सरकारका मन्त्री, सांसद र स्थानीय राजनीतिक दलका नेता र बहु सांस्कृतिक समुदायले सहभागिता जनाउनेछन् । महोत्सवमा कन्दरा ब्यान्ड र गायिका समीक्षा अधिकारीले साङ्गीतिक प्रस्तुति दिनेछन् । 

अन्य सहरमा समेत हुँदै