काठमाडौँ — स्थानीय बजारमा आज सुनचाँदीको मूल्य केही घटेको छ । हिजो बिहीबारको तुलनामा सुन तोलामा ५ हजार ८ सय र चाँदी  १ सय ५५ ले घटेको हो । 

नेपाल सुनचाँदी व्यवसायी महासंघका अनुसार आज एक तोला छापावाल सुनको मूल्य २ लाख ८५ हजार ५ सय र त्यति नै परिमाणको सेतो धातुको भाउ ४ हजार ३ सय ५० निर्धारण भएको छ । हिजो एक तोला छापावाल सुनको मूल्य २ लाख ९१ हजार ३ सय र त्यति नै परिमाणको सेतो धातु ४  हजार ५ सय ५ मा कारोबार भएको थियो । 

गत बुधबार एक तोला छापावाल सुनको मूल्य २ लाख ९१ हजार र त्यति नै परिमाणको सेतो धातुको भाउ ४  हजार ४ सय ८० निर्धारण भएको थियो । गत मंगलबार प्रतितोला छापावाल सुनको मूल्य २ लाख ८५ हजार ६ सय र त्यति नै परिमाणको चाँदी ४  हजार ३ सय ७० रुपैयाँमा कारोबार भएको थियो ।