‘ग्लोबल टेन्डर’मार्फतबाट खरिद गरिएको ३० हजार मेट्रिक टन डिएपी मल भारतको कोलकाता बन्दरगाहमा १० जुलाइमा आइपुगेको थियो
काठमाडौं — कृषि वन तथा पर्यावरण मन्त्रालयले एक हजार २५० मेट्रिक टन डिएपी रासायनिक मल सोमबार नेपाल आइपुग्ने जनाएको छ ।
‘ग्लोबल टेन्डर’मार्फतबाट खरिद गरिएको ३० हजार मेट्रिक टन डिएपी मल भारतको कोलकाता बन्दरगाहमा १० जुलाईमा आइपुगेको थियो । उक्त मलमध्ये एक हजार २५० मेट्रिक टन १ साउनमा नेपालतर्फ ढुवानी सुरु भएको थियो ।बाँकी मल हाल कोलकाता बन्दरगाहमै प्याकेजिङ (ब्यागिङ) भइरहेको जनाइएको छ ।
प्याकेजिङ सम्पन्न भएसँगै मल क्रमशः नेपाल भित्रने कृषि वन तथा पर्यावरणमन्त्रीको सचिवालयले जनाएको छ । मल आपूर्तिको व्यवस्थापन कृषि सामग्री कम्पनीबाट हुँदै आएको छ ।
