काठमाडौं — सेयर कारोबार मापक नेप्से परिसूचक बिहीबार ७.५० अंकले बढेको छ । अघिल्ला २ दिन लगातार बढेको नेप्सेले बिहीबार पनि सोही प्रवृति पछ्याएको हो । यद्यपि, बुधबारको तुलनामा बिहीबार नेप्सेको वृद्धिदर घटेर एकल अंकमा झरेको छ । बुधबार नेप्से १४ अंकले बढेको थियो ।

बिहीबार बजार बन्द हुँदा नेप्से करिब साढे ७ अंकले बढेर २५९७.८० अंकमा उक्लेर बन्द भएको छ । अघिल्लो दिनको तुलनामा यो ०.२८ प्रतिशतले बढेको हो ।

बिहीबार कारोबारमा आएकामध्ये १२१ कम्पनीको सेयर मूल्य बढ्यो भने १५१ कम्पनीको घट्यो । तर उक्त दिन ३ कम्पनीको मूल्य स्थिर रहेको छ ।

बिहीबार कुल ३९ हजार ५ सय ९५ पटकको कारोबारमा ९४ लाख ६९ हजार ९९ कित्ता सेयर किनबेच भए । ती किनबेचमा ४ अर्ब ५६ करोड २९ लाख रुपैयाँ बराबरको छ ।