काठमाडौँ — सेयर कारोबार मापक नेप्से परिसूचक ६.३१ अंकले घटेको छ । शून्य दशमलव २३ प्रतिशतले घटेको नेप्से २ हजार ७०५ दशमलव ४५ विन्दुमा ओर्लिएको छ । 

कारोबारमा आएकामध्ये ८० कम्पनीको सेयर मूल्य बढ्यो भने १७७ कम्पनीको मूल्य घट्यो र १५ कम्पनीको मूल्य स्थिर रह्‌यो । कुल ४८ हजार ११६ पटकको सेयर किनबेचमा ४ अर्ब ४ करोड ७८ लाख रुपैयाँको सेयर कारोबार भएको छ । किनबेचमा १ करोड ७ लाख ८ हजार ५९६ कित्ता सेयर खरिदबिक्री भएको छ । 

व्यापार र सामूहिक लगानी कोषबाहेक सबै उपसमूह घटेको छ । व्यापार १०.५६ अंकले वृद्धि भएको छ । घट्ने उपसमूहमा निर्जीवन बीमा ४५.७१, जीवन बीमा २४.९५ , विकास बैंक २४.३५ अंकले घट्यो ।