काठमाडौँ — स्वतन्त्र ऊर्जा उत्पादकहरुको संस्था, नेपाल (इप्पान) को २४ औं वार्षिक साधारणसभाबाट नयाँ कार्य समिति चयन हुँदैछ । नयाँ कार्यसमितिमा हालका वरिष्ठ उपाध्यक्ष मोहन डाँगी स्वत: अध्यक्ष हुँदैछन् ।

वरिष्ठ उपाध्यक्षका लागि उत्तम भ्लोन लामा र बलराम खतिवडाले उम्मेदवारी दिएका छन् । भ्लोन अहिलेको कार्यसमितिको उपाध्यक्ष हुन् भने खतिवडा महासचिव हुन् ।

भ्लोनको पक्षबाट उपाध्यक्षमा सुसन कर्माचार्य, विक्रम विष्ट, हिम प्रसाद पाठक, उत्तर कुमार श्रेष्ठ र नरेन्द्र बल्लभ पन्तले उम्मेदवारी दिएका छन् । त्यस्तै खतिवडाको समूहबाट भरतप्रसाद नेपाल, भरतबहादुर खत्री छन् । त्यस्तै खतिवडा समूहले पन्त र पाठकलाई आफ्नो उम्मेदवार रहेको बताएका छन् ।

महासचिवमा भ्लोनको समूहबाट टेकनाथ आचार्य र खतिवडाको तर्फबाट प्रकाशचन्द्र दुलाल छन् । उपमहासचिवमा एक जनाको मात्रै उम्मेदवारी परेको छ । जहाँ भ्लोन समूहबाट कविता पोख्रेल छिन् । खतिवडा समूहले पनि पोख्रेललाई नै समर्थन गरेका छन् ।

कार्यसमितिमा ५ जना सचिव हुने व्यवस्था छ । सचिवमा भ्लोन समूहबाट अभिज्ञा मल्ल, इशा श्रेष्ठ, सुमन कुमारी जोशी, कुवेर मणी नेपाल, विजय मोहन भट्टराई छन् भने खतिवडाको समूहबाट कृष्णप्रसाद घिमिरे र विरेन्द्र बहादुर मल्लले उम्मेदवारी दर्ता गरे पनि अन्तिम उम्मेदवारी सूचीमा परेका छैनन् ।खतिवडा समूहले पनि इशा श्रेष्ठ, सुमन कुमारी जोशीलाई आफ्नो उम्मेद्वार भनेका छन् ।