सोमबारको तुलनामा मंगलबार ०.३३ प्रतिशतले घटेर समग्र नेप्से २७७७.१० अंकमा ओर्लेर बन्द भएको हो ।
काठमाडौं — सेयर कारोबार मापक नेप्से परिसूचक मंगलबार ९.२४ अंकले घटेको छ । शुक्रबार र सोमबार दोहोरो अंकले बढेको नेप्से मंगलबार घटेको हो ।
अघिल्लो दिनको तुलनामा मंगलबार ०.३३ प्रतिशतले घटेर समग्र नेप्से २७७७.१० अंकमा ओर्लेर बन्द भएको हो ।
मंगलबार कारोबारमा आएकामध्ये ६९ कम्पनीको सेयर मूल्य बढ्यो भने १९० कम्पनीको घट्यो । तर, ११ कम्पनीको मूल्य स्थिर रहेको छ ।
मंगलबार कुल ५२ हजार ७५१ पटकको कारोबारमा १ करोड १८ लाख ७२ हजार ५०७ कित्ता सेयर किनबेच भए । ती किनबेचमा ४ अर्ब ८५ करोड ४४ लाख रुपैयाँ बराबरको सेयर कारोबार भएको छ । अघिल्लो दिनको तुलनामा कारोबार रकम पनि घटेको हो । सोमबार सेयर बजारमा ५ अर्ब ९८ करोड ६४ लाख रुपैयाँ बराबरको सेयर कारोबार भएको थियो ।
मंगलबार कारोबारमा आएका १३ उपसमूहमध्ये सामुहिक लगानी कोष र निर्जीवन बिमाबाहेक सबैको परिसूचक घटेपछि समग्र नेप्से सवा ९ अंकले घटेको हो ।
