गत वर्षको यही अवधिको तुलनामा अलैँची निर्यात ४१.५८ प्रतिशतले बढेको हो
ताप्लेजुङ — मेची भन्सार कार्यालयबाट काँकरभिट्टाबाट चालु आर्थिक वर्षको चैत मसान्तसम्ममा १० अर्ब ७० करोड ७ लाख १८ हजार रुपैयाँको अलैँची निर्यात भएको छ ।
गत वर्षको यही अवधिको तुलनामा अलैँची निर्यात ४१.५८ प्रतिशतले बढेको हो । यस अवधिमा ५ हजार २९५ मेट्रिक टन अलैँची निर्यात भएको मेची भन्सार कार्यालयका सूचना अधिकारी ईश्वरकुमार हुमागाईले जानकारी दिए । गत आर्थिक वर्षको यही अवधिमा ६ अर्ब २५ करोड १२ लाख ६१ हजार बराबरको अलैँची निर्यात भएको भन्सार कार्यालयको तथ्यांकमा उल्लेख छ ।
नेपालमा उत्पादन हुने अधिकांश अलैंची काकरभिट्टा नाका भएर भारत निर्यात हुने गरेको छ । पहिला विराटनगर, जीरगन्जबाट पनि निर्यात हुने गरेको थियो । तर, पछिल्ला वर्ष अधिकांश अलैँची काकरभिट्टा भएर भारत जाने गरेको छ । नेपालको ४३ जिल्लामा अलैँची उत्पादन हुने गरेको छ ।
मेची भन्साबाट चालु आवको चैत मसान्तसम्ममा १९ अर्ब ४३ करोड ३५ लाख ३२ हजार रुपैयाँ बराबरको मालवस्तु निर्यात भएको छ ।
