काठमाडौँ —  स्थानीय बजारमा आज सुनचाँदीको मूल्य फेरि बढेको छ । मंगलबारको तुलनामा दुवै धातुको मूल्य बढेको हो । नेपाल सुनचाँदी व्यवसायी महासंघका अनुसार आज एक तोला छापावाल सुनको मूल्य ३ लाख ४ हजार ७ सय रुपैयाँ कायम भएको छ ।

मंगलबारको तुलनामा बुधबार सुनको भाउ १४ हजार ४ सयले बढेको हो । मंगलबार सुनको भाउ एक तोला  सुनको मूल्य २ लाख ९० हजार ३ सय रुपैयाँ थियो । 

माघ १६ गते एकैदिन ऐतिहासिक वृद्धि भएको सुनको भाउ केही दिनयता भने घट्न थालेको थियो । माघ १६ गते एकैदिन २० हजार ४ सयले बढेर सुनको भाउ प्रतितोला ३ लाख ३९ हजार ३ सय पुगेको थियो, जुन नेपाली बजारमा अहिलेसम्मकै उच्च हो ।