प्रधानमन्त्री सुशीला कार्कीले राष्ट्रपति निवासमा मुख्य दलका शीर्ष नेतासँग गरेको भेटले पनि चुनाव सुनिश्चित भएको उनले उल्लेख गरे । देशको उद्योग, व्यापार तथा व्यवसायमा हाल तहसनहसको स्थिति रहेको र सरकारले निजी क्षेत्रलाई साथ लिएर काम गर्ने प्रयास गरिरहेको उनको भनाइ छ ।

साधारणसभामा एसोसिएसनको नयाँ कार्यसमितिलाई स्वागत तथा बधाई ज्ञापनसमेत गरियो । स्वाँर नेतृत्वको एसोसिएसनले नयाँ सल्लाहकार समितिलाई पनि स्वागत गरेको छ । देशको कुल गार्हस्थ्य उत्पादन (जीडीपी) मा मार्केटिङ क्षेत्रले १० प्रतिशत योगदान गरिरहेको र नेपालले पनि यस क्षेत्रलाई परिचालन गर्नुपर्ने अध्यक्ष स्वाँरले बताए ।

‘नेपालका विभिन्न क्षेत्रको पहिचान तथा व्यापार व्यवसायको विश्व बजारीकरण गर्न मार्केटिङ क्षेत्रले ठूलो योगदान गर्न सक्छ,’ स्वाँरले भने, ‘नेपालमा पनि हामी यो काम गर्न तयार छौं । हामी सरकार, योजना आयोग र निजी क्षेत्रसँग सहकार्य गर्न तयार छौं । त्यसका लागि उपयुक्त वातावरण बनाइदिनुहुन म सरकारसँग आग्रह गर्दछु ।’