काठमाडौँ — यो साता सुन र चाँदीको मूल्यले नयाँ रेकर्ड कायम गरेको छ । नेपाली बजारमा सुन र चाँदीको मूल्यले नयाँ रेकर्ड कायम गरेको हो । 

सिर २९ मा सुनको मूल्य प्रतितोला २ लाख ६० हजार ७ सय रुपैयाँ पुगेको थियो । जुन  हालसम्मकै उच्च मूल्य रहेको नेपाल सुनचाँदी व्यवसायी महासंघले जनाएको छ ।

पुस ३ मा सुनको मूल्य घटेर २ लाख ६० हजार ४ सय रुपैयाँमा कायम भएको थियो । साताको अन्तिम दिन शुक्रबार सुनको मूल्य घटेर २ लाख ५८ हजार ४ सय रुपैयाँमा कारोबार भएको महासंघले जनाएको छ ।

नयाँ वर्ष आउन लाग्दा माग बढेकाले पनि सुनचाँदीको मूल्य वृद्धि भएको महासंघका महासचिव किरणभाई बज्राचार्यले बताए ।  चाँदीको मूल्यले पनि नयाँ रेकर्ड कायम गरेको छ । पुस ३ मा चाँदीको मूल्य ४ हजार ८० रुपैयाँ पुगेको थियो । जुन हालसम्मकै उच्च मूल्य हो ।