काठमाडौँ — सेयर कारोबार मापक नेप्से परिसूचक मंगलबार १८.३७ अंकले बढेको छ । ०.७० प्रतिशतको वृद्धिपछि समग्र नेप्से २६१९.९९ बिन्दुमा उक्लिएको हो । सोमबार नेप्से ६.७४ बिन्दुले बढेको थियो ।

मंगलबार कारोबारमा आएकामध्ये १८७ कम्पनीको सेयर मूल्य बढ्यो, ६१ कम्पनीको मूल्य घट्यो भने ११ कम्पनीको मूल्य स्थिर रह्यो ।

व्यापारबाहेक सबै उपसमूहको सूचक बढेको छ । व्यापार उपसमूह ०.५२ अंकले घट्यो । होटल तथा पर्यटन १०३.१३, निर्जीवन बिमा ९६.८७, जीवन बिमा ९२.०७, विकास बैंक ८३.९१ अंकले बढे । कुल ५५ हजार ७८ पटकको सेयर किनबेचमा ७८ लाख ४ हजार ४५ कित्ता सेयर किनबेच भए ।

नेप्से परिसूचक बढे पनि सोमबारको तुलनामा मंगलबार सेयर कारोबार रकम घटेको छ । सोमबार ३ अर्ब ४४ करोड १९ लाख रुपैयाँको कारोबार भएकामा मंगलबार ३ अर्ब २९ करोड ४२ लाख रुपैयाँको सेयर कारोबार भएको छ ।