काठमाडौँ — नेपाल धितोपत्र बोर्डमा कर्मचारीहरूको आन्दोलन ४४औं दिन पनि जारी छ  । बुधबार पनि कर्मचारीहरूले अध्यक्ष सन्तोषनारायण श्रेष्ठ र सञ्चालकहरूलाई कार्यालय पस्न दिएका छन् । यहीकारण अध्यक्ष सन्तोषनारायण श्रेष्ठ गत आइतबारदेखि कार्यालय गएका छैनन् ।

उनले मंगलबार  अर्थ मन्त्रालयमै सञ्चालक समितिको बैठक डाकेका थिए । आन्दोलनबारे धेरै कुरामा छलफल भए पनि कुनै निर्णयबिनै बैठक टुंगिएको थियो । 

बुधबार पनि आफू मन्त्रालयमै रहेको र कसरी समस्या समाधान गर्न सकिन्छ भन्नेबारे छलफल भइरहेको अध्यक्ष श्रेष्ठले बताए । 

आफूहरूले खाइपाइ आएको सेवा–सुविधा अर्थ मन्त्रालयले कटौती गरेको भन्दै धितोपत्र बोर्डका कर्मचारीहरू आज ४४औं दिन पनि आन्दोलनमा छन् । कर्मचारीहरूले असोज ७ गतेदेखि आन्दोलन सुरु गरेका थिए । त्यसयता धितोपत्र बोर्डमा कुनै काम भएको छैन् ।