नेपालमा एक तोला सुनको मूल्य आज १,२०० रुपैयाँले बढेर २ लाख ३९ हजार २ सय रुपैयाँ पुगेको छ भने चाँदी पनि ७० रुपैयाँले महँगिएको छ।
काठमाडौँ — अन्तर्राष्ट्रिय बजारमा सुनको मूल्यमा वृद्धि भएसँगै त्यसको प्रभाव स्थानीय बजारमा पनि परेको छ । बुधबारको तुलनामा आज एक तोला सुन एक हजार २ सय रुपैयाँले महँगो भएको छ ।
नेपाल सुनचाँदी व्यवसायी महासंघका अनुसार बुधबार दुई लाख ३८ हजार रुपैयाँमा कारोबार भएको एक तोला सुनको मोल आज एक हजार २ सय बढेर दुई लाख ३९ हजार २ सय रुपैयाँ भएको छ ।
चाँदीको मूल्य पनि बढेको छ । बुधबार एक तोला चाँदी दुई हजार ९५५ रुपैयाँमा खरिदबिक्री भएकामा आज त्यति नै परिमाणको चाँदी तीन हजार २५ रुपैयाँमा क्रयविक्रय भइरहेको महासंघलेजनाएको छ ।
अन्तर्राष्ट्रिय बजारमा आज एक औँस सुन चार हजार ५५ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन् ।
