काठमाडौँ — पुँजी बजारको सुधारका लागि सेयर लगानीकर्ताका तीन संगठनहरूले नेपाल राष्ट बैंकका गभर्नर विश्वनाथ पौडेललाई ६ बुँदे सुझाव दिएका छन् ।

सेयर लगानीकर्ता संघ नेपाल, पुँजी बजार लगानीकर्ता संघ र स्वतन्त्र पुँजीबजार लगानीकर्ता संघले संयुक्त रूपमा ६ बुँदे सुझाव दिएका हुन् । 

यस्ता छन् सुझाव

• बैंक तथा वित्तीय संस्थालाई दोस्रो बजारमा सहज रूपमा सेयर किनबेच गर्न दिनुपर्ने ।
• बैंकहरूलाई सेयर बजारमा लगानीका लागि प्राथमिक पुँजीकोषको आधारमा लाग्दै आएको सीमा परिमार्जन गर्नुपर्ने ।
• व्यक्तिगत सेयर धितो कर्जामा राखिएको २५ करोडको सीमा हटाउनुपर्ने ।
• लघुवित्त वित्तीय संस्थामा रहेको २५ प्रतिशतसम्मको लाभांश सीमा हटाउनुपर्ने र यस्ता संस्थालाई कार्यसञ्चालनमा पूर्ण स्वतन्त्रता दिदै प्रतिस्पर्धात्मक बनाउनुपर्ने
• बैंक तथा वित्तीय संस्थाले दिदै आएको सेयर धितो कर्जा थप सहज बनाउन ।
• गैरआवासीय नेपाली (एनआरएन)लाई सेयर बजारमा भित्र्याउने विषयमा पहल गर्न ।