यससँगै विशेष साधारणसभा तोकिएकै मितिमा निर्बाध सम्पन्न हुने मार्ग खुलेको नाडाले जनाएको छ । पदाधिकारी हेरफेर वा कार्यकाल लम्ब्याउने आरोपलाई संस्थाले अस्वीकार गरेको छ । 'नेतृत्व चयन र पद हस्तान्तरण सदस्यहरूको प्रत्यक्ष सहभागिता र निर्वाचनमार्फत हुनेमा संस्था अडिग छ,' विज्ञप्तिमा भनिएको छ ।

नाडाका अध्यक्ष करणकुमार चौधरीले पनि आफू पदमा रहन कुनै व्यक्तिगत स्वार्थ नराखेको स्पष्ट पारेका छन् । 'सर्वसम्मत भए तुरुन्तै निर्वाचनसहित वार्षिक साधारणसभा बोलाएर पद हस्तान्तरण गर्न तयार छु,' उनले भने ।

संस्थाले नाडा सबै अटोमोबाइल व्यवसायीहरूको साझा संस्था भएको दोहोर्‍याउँदै, व्यक्तिगत स्वार्थका लागि प्रयोग नगर्ने प्रतिबद्धता जनाएको छ । 

सुधार र भविष्यका योजना पारदर्शी र निष्पक्ष ढंगले, सदस्यहरूको सामूहिक निर्णयका आधारमा अघि बढाइने नाडाले जनाएको छ । पछिल्ला दिनमा विभिन्न सञ्चारमाध्यममा आएको समाचारलाई भ्रामक भन्दै आपत्ति जनाएको छ । संस्थाले आफ्नो गतिविधि सधैं प्रचलित कानुन र विधानअनुसार अघि बढाइएको स्पष्ट गर्दै, भ्रामक समाचार वा गलत व्याख्यामा नलाग्न सदस्य र सरोकारवालालाई आग्रह गरेको हो ।