काठमाडौँ — नेपाल विद्युत् प्राधिकरणका कार्यकारी निर्देशक हितेन्द्रदेव शाक्य विद्युत् आपूर्ति समस्या बुझ्न भरतपुर पुगेका छन् । सोमबार प्राधिकरणका कार्यकारी निर्देशक शाक्य र वितरण तथा ग्राहक सेवा निर्देशनालयका उपकार्यकारी निर्देशक दीर्घायुकुमार श्रेष्ठलगायतको टोली चितवन पुगेको हो ।
चितवनस्थित चनौली वितरण केन्द्रले आन्तरिक लोड व्यवस्थापन गर्न एक दिनको लागि अत्यावश्यक मर्मत कार्य गर्न लोड व्यवस्थापन तालिका सार्वजनिक गरेको थियो । त्यसबाट आम उपभोक्ताहरुमा भ्रम उत्पन्न भएको प्राधिकरणले जनाएको छ ।
'उक्त क्षेत्रमा अत्यधिक लोडको कारण सिर्जित समस्या समाधानका लागि भरतपुर स्थित स्वस्टेशन लगायत वितरण केन्द्रहरुबाट विद्युतीय संरचनाहरूमा भइरहेको मर्मत तथा निर्माण कार्य निरिक्षण अलोकन गरिनेछ,' प्राधिकरणद्वारा जारी विज्ञप्तिमा उल्लेख छ ।
