काठमाडौँ — विद्युत् नियमन आयोगका अध्यक्ष रामप्रसाद धितालले ऊर्जासँग सम्बन्धित कम्पनीको पुँजी बजारको नियमन धितोपत्र बोर्डले नै गर्नुपर्ने बताएका छन् । आयोगको  छैटौं वार्षिकोत्सवको अवसरमा धितालले प्राविधिक मात्रै नियमन आयोगले गर्ने जनाए ।

चालु आर्थिक वर्षको वैशाखस्मम विद्युत् कम्पनीको सेयर संरचना परिवर्तन गर्न १९ वटा स्वीकृति दिएको सुनाए । विद्युत् खरिद सम्झौताको संशोधन सहमति २६ कम्पनी, कम्पनीको स्वामित्व हस्तान्तरण, प्राप्ति र ग्रहण सहमति २, प्राथमिक तथा हकप्रद सेयर निष्काशनको पूर्व स्विकृति २५ कम्पनीलाई दिएको आयोगले जनाएको छ । 

कार्यक्रममा स्वतन्त्र ऊर्जा उत्पादकहरुको संस्था, नेपाल (इप्पान)का अध्यक्ष गणेश कार्कीले प्राथमिक तथा हकप्रद सेयर निष्काशनको स्विकृति एउटै निकायबाट हुनुपर्ने बताए । ' पूर्वस्वीकृतिका लागि आयोगमै समय लाग्छ, फेरी धितोपत्र बोर्डमा जानुपर्छ । २३ महिनादेखि त्यही रोकिएको छ,' उनले भने ।