काठमाडौँ — नेपाल विद्युत् प्राधिकरणले मंगलबार सार्वजनिक गर्ने भनिएको श्वेतपत्र प्राविधिक कारण देखाउँदै स्थगित गरेको छ । प्राधिकरणका कार्यकारी निर्देशक हितेन्द्रदेव शाक्यको सचिवालयले मंगलबार साढे ११ बजे श्वेतपत्र जारी गर्ने औपचारिक सूचना जारी गरेको थियो ।

तर प्राविधिक कारण देखाउँदै मंगलबार श्वेतपत्र जारी भएन । मंगलबार प्राधिकरणका कार्यकारी निर्देशक शाक्यको सचिवालयले अर्को सूचना नआउँदासम्मका लागि स्थगित गरिएको जनाएको छ । 

ऊर्जा, जलस्रोत तथा सिँचाइमन्त्री दीपक खड्काको अध्यक्षतामा सोमबार बसेको प्राधिकरण सञ्चालक समितिको बैठकले उक्त श्वेतपत्र स्वीकृत गरिसकेको स्रोतले बताएको छ । 

सञ्चालक समितिका एक सदस्यका अनुसार सोमबार नै श्वेतपत्र स्वीकृत गरिसकेकाले त्यसमा उल्लेखित तथ्यांकहरू मिलाएर सार्वजनिक गर्ने कार्यक्रम तय भइसकेको थियो । प्राधिकरणका तत्कालीन कार्यकारी निर्देशक कुलमान घिसिङले तीन वर्षको उपलब्धि सार्वजनिक गर्दै गत साउनमा मुलुकभर ९९ प्रतिशत विद्युतीकरण भएको बताएका थिए । तर ऊर्जा मन्त्रालयबाट प्राप्त प्राधिकरणले तयार पारेको श्वेतपत्रको सारांशमा विद्युतीकरण ९१.४१ प्रतिशतमा पुगेको उल्लेख छ । 

०८१ माघसम्म कुल ग्राहक संख्या ५५ लाख ८६ हजार ३७ रहेको उल्लेख गरिए पनि घिसिङले सामुदायिकसहित ५९ लाख ३५ हजार पुगेको जनाएका थिए । ‘देशभरको विद्युतीकरणदेखि विद्युत्को पहुँच पुगेका घरपरिवारको संख्या पहिलाकोभन्दा कम थियो ।