काठमाडौँ — नयाँ वर्षको सुरुवाती कारोबार दिनमै सेयर कारोबार मापक नेप्से परिसूचक २७.१४ अंकले बढेको छ । अघिल्लो दिनको तुलनामा एक दशमलव शून्य एक प्रतिशतले बढ्दा समग्र नेप्से २ हजार ६ सय ८९.२२ बिन्दुमा उक्लिएको हो ।

सो दिन कारोबारमा आएका मध्ये कुल २ सय १२ कम्पनीको सेयर मूल्य बढ्यो भने ३४ कम्पनीको घट्यो । कुल ६९ हजार ३ सय ६४ पटकको कारोबारमा कुल २ करोड १८ लाख ४१ हजार ४७ कित्ता सेयर किनबेच भए । ती किनबेचमा ८ अर्ब ५४ करोड ४३ लाख ५७ हजार रुपैयाँको सेयर कारोबार भएको नेप्सेले जनाएको छ ।

सोमबार कारोबारमा आएका मध्ये अधिकांश उपसमूहको परिसूचक बढे । सो दिन लगानीकर्ताको आकर्षण विकास बैंक, निर्जीवन बिमा र होटल तथा पर्यटन उपसमूहको सेयरमा देखिएको छ । जनअनुसार विकास बैंक उपसमूहको परिसूचक १३३.२५, निर्जीवन बिमा १३२.०२, होटल तथा पर्यटन १२८.४४, जीवन बिमा १०७.१८, उत्पादन तथा प्रशोधन ८५.६० अंकले बढे । तर, व्यापार उपसमूहको परिसूचक २९.७० र सामूहिक लगानी कोषको शून्य दशमलव शून्य एक अंकले घटेको छ ।