चितवन — कृषि तथा वन विज्ञान विश्वविद्यालयको पाँचौँ दीक्षान्त समारोह शनिबार हुँदैछ । विश्वविद्यालयका सहकुलपतिसमेत रहेका शिक्षामन्त्री सस्मित पोखरेलको प्रमुख आतिथ्यमा दीक्षान्त समारोह हुने छ । विश्वविद्यालयका रजिस्ट्रार डा.सुबिर सिंहले पाँचौँ दीक्षान्त समारोहमा कृषि, पशुविज्ञान तथा वन विज्ञानमा गरेर स्नातक, स्नातकोत्तर र विद्यावारिधि (पीएचडी)का २ हजार १ सय ९३ जना दीक्षित हुने बताए ।

सबै संकाय र कार्यक्रम गरी १ हजार ८ सय ३६ जनाले स्नातक, ३ सय २७ ले स्नातकोत्तर र ३० जनाले पीएचडी उपाधिसहित दीक्षित हुने रजिस्ट्रार सिंहले जानकारी दिए । चितवनको रामपुरमा कृषि तथा वन विज्ञान विश्वविद्यालय स्थापना भएको १६ वर्ष पुगेको छ । त्रिभुवन विश्वद्यिालयको आंगिक क्याम्पस रहेको रामपुर कृषि क्याम्पसमा २०६७ सालको असार ३ गते कृषि विश्वविद्यालय खुलेको हो ।