उड्डयन र मानवरहित विमान प्रणालीमा केन्द्रित यो कार्यक्रममार्फत विद्यार्थीहरूले आधुनिक प्रविधिसम्बन्धी व्यावहारिक ज्ञान हासिल गर्ने कोर्स निर्माण समितिका सदस्य प्रविन भट्टराईले बताए । ‘यस कार्यक्रममार्फत नेपालमै साइबर–सुरक्षित मानवरहित विमान प्रणाली विकास गर्न सकिनेछ,’उनले भने,‘जसलाई सेना तथा अन्य सुरक्षा निकायहरूले प्रयोग गर्न सक्ने र डेटा सुरक्षामा सहयोग पुग्ने छ।’

यो पाठ्यक्रम अबुधाबी, दुबई, फ्रान्स, भारत, चीन र थाइल्यान्डका विशेषज्ञहरूको संलग्नतामा तयार गरिएको भएकाले विद्यार्थीहरूले विश्वव्यापी रोजगारीका अवसर पाउने विश्वविद्यालयले जनाएको छ। साथै, अन्तर्राष्ट्रिय विशेषज्ञहरूले अध्यापन गराउने हुँदा विद्यार्थीहरूले अन्तर्राष्ट्रिय स्तरको अनुभवसमेत प्राप्त गर्नेछन्।

‘नेपालमा पहिलो पटक सुरू गरिएको यो कोर्सका लागि अन्तर्राष्ट्रिय साझेदार संस्थासँग पनि सहकार्य गरिएको  छ,’ पौडेलले भने,‘ जसअनुसार विद्यार्थीहरूले विदेशमा इण्टर्नशिप गर्ने अवसरसँगै अध्ययनपछि सर्वेक्षण, उत्पादन, पर्यटन, उद्धार तथा विपद् व्यवस्थापन, सुरक्षा, अनुसन्धान तथा विकासलगायत क्षेत्रमा करियर निर्माण गन सक्ने छन् । ’