इरानविरुद्ध युद्ध सुरु हुनुअघि नै अमेरिकाले पश्चिम एसियामा यसलाई पठाएको थियो । तर उक्त जहाज शनिबार ३२६ दिनको मिसनपछि फर्किएको हो ।
काठमाडौँ — अमेरिकाको एयरक्राफ्ट क्यारियर ‘यूएसएस जेराल्ड आर फोर्स’ शनिबार अमेरिका फर्किएको छ । यसबारे अमेरिकी रक्षा विभागले पुष्टि गरेको छ ।
इरानविरुद्ध युद्ध सुरु हुनुअघि नै अमेरिकाले पश्चिम एसियामा यसलाई पठाएको थियो । तर शनिबार उक्त जहाज ३२६ दिनको मिसनपछि फर्किएको हो ।
भियतनाम युद्धपछि कुनै अमेरिकी एयरक्राफ्ट क्यारियर ब्याटल ग्रुपको सबैभन्दा लामो मिसन रहेको थियो । अमेरिकी सेनाका अनुसार यस एयरक्राफ्ट क्यारियरले आफ्नो मिसनका क्रममा क्यारेबियन क्षेत्रमा अमेरिकी अप्रेशनमा सहभागिता लिएको थियो ।
भियतनाममा अमेरिकी बलले नशालु पदार्थको तस्करी गर्ने संदिग्ध डुंगामाथि यही जहाजबाट आक्रमण गरेको थियो । प्रतिबन्धित ट्यांकर बरामद गर्नुका साथै भेनेजुएलाका राष्ट्रपति निकोलस माधुरोको पक्राउ पनि सोही मिसन अन्तर्गत नै थियो ।
यसपछि यस जहाजलाई पश्चिम एसियामा पठाइएको थियो । जहाँ उसले इरानविरुद्धको लडाइँमा हिस्सा लिएको थियो । गत मार्च २ मा यस जहाजमा आगलागीको घटना भएको थियो । जहाँ कयौं घाइते भएका थिए । पछि यसलाई मर्मतका लागि लाल सागरबाट क्रेट पठाइएको थियो ।
