इस्फहान — इरान सरकारले इस्फहानका एक २१ वर्षीय युवकलाई फाँसी दिइएको छ । बीबीसी पर्शियनका अनुसार २१ वर्षीय युवक सासन आजादवर जोंगानीलाई फाँसी दिइएको हो । 

गत जनवरीमा भएको सरकार विरोधी प्रदर्शनका क्रममा उनलाई पक्राउ गरिएको थियो । उनलाई इस्फहानकै दस्तगर्द जेलमा फाँसी दिइएको हो । 

मानवअधिकार वेबसाइट एचआरएएनएलाई उनका परिवारले अन्तिम संस्कार बिहीबार दिउँसो एक सुरक्षित क्षेत्रमा गरिएको जानकारी दिएका छ्न् । अन्तिम संस्कारका क्रममा उनका १० जना मात्र आफन्तहरुलाई सहभागी हुन अनुमति दिइएको थियो । 

इरानको इस्लामिक गणराज्यको न्यायपालिकाले जनवरीमा सत्ता परिवर्तनको उद्देश्यसहित भएको प्रदर्शनमा सासन आजादवर जोंगानीले सुरक्षा अधिकारी लिएर गइरहेको एक मिनिबसमा ढुंगामुडा गरेको र लाठीले आक्रमण गर्नुका साथै सवारी साधनको सीसा फुटाएको बताएको छ ।