नाफा घट्दै गएपछि ठूला कम्पनीहरूले भेन्डिङ मेसिनको प्रयोगलाई घटाउँदै लगेका छन् । केही कम्पनीहरूले हजारौं मेसिन हटाउने निर्णय गरिसकेका छन्, केहीले आफ्नो भेन्डिङ व्यवसाय नै बिक्री गर्ने तयारी गरेका छन् । 

पहिले सजिलो र तुरुन्त उपलब्ध हुने भएकाले जापानमा भेन्डिङ मेसिन निकै लोकप्रिय बनेको थियो । तर अहिले महँगीका कारण उपभोक्ताहरूले सुपरमार्केट, कन्भिनियन्स स्टोरलगायतमा पाइने सस्तो पेय पदार्थ रोज्न थालेका छन् । यस्ता स्टोरहरूमा भन्दा भेन्डिङ मेसिनबाट पेय पदार्थ किन्न तुलनात्मक रूपमा महँगो पर्छ ।

त्यसकारण पनि उपभोक्ताहरू अन्य विकल्पतर्फ सोझिन थालेका हुन् । अर्को कारण वातावरणीय चेतनामा भएको वृद्धि पनि हो । उपभोक्ताहरूले पुनः प्रयोग गर्न मिल्ने बोतल बोकेर हिँड्न थालेका छन्, 

त्यसले पनि भेन्डिङ मेसिनको प्रयोग घटाएको छ । विशेषज्ञहरू भेन्डिङ मेसिनको प्रयोग पूर्णरूपमा नहट्ने बताउँछन् । तर भविष्यमा कम्पनीहरूले नाफा जोगाउन रणनीतिक र उच्च माग भएका क्षेत्रमा मात्र मेसिन राख्ने अपेक्षा गरिएको छ ।