काठमाडौँ — इरानको इस्लामिक रिभोल्युशनरी गार्ड्स कोप्र्स (आईआरजीसी) ले अमेरिका–इजरायलविरुद्ध जारी युद्धमा शक्तिशाली मिसाइल प्रहार गरिने बताएको छ ।

यसअघि अमेरिकी राष्ट्रपति डोनाल्ड ट्रम्पले इरानको मिसाइल कार्यक्रम ध्वस्त भइसकेको दाबी गरेका थिए । उनले चाडैं नै युद्ध सकिने बताएका थिए । तर, आईआरजीसीले दाबी खण्डन गरेको छ । उसले आफुसँग शक्तिशाली मिसाइलहरु रहेको दाबी गरेको छ ।

ट्रम्पले हर्मुजको घाँटीबाट तेल ट्यांकर रोक्ने प्रयत्न भएमा इरानमाथि २० गुणा शक्तिशाली प्रहार गरिने चेतावनी पनि दिएका थिए । तर इरानले युद्धमा आत्मसमर्पण नगर्ने जनाएको छ । 

इरानले बहराइन, कुवेत, युएई, साउदी अरबसहित पश्चिम एशियाका विभिन्न क्षेत्रमा प्रत्याक्रमण जारी नै राखेको छ । मंगलबार बहराइनको मनामामा एक जनाको मृत्यु भएको छ भने इजरायलको राजधानी आसपास दुई जनाको मृत्यु भएको छ ।