इरान-अमेरिका -इजरायल द्वन्द्व सातौं दिनमा प्रवेश गर्दा शुक्रबार बिहान मध्यपूर्वमा इरानले आक्रमण गरेको हो
काठमाडौँ — इरानबाट आएका ड्रोन र मिसाइलविरुद्ध मध्य पश्चिमका देशहरूले हवाई रक्षा प्रणाली परिचालन गरेका छन्। इरान-अमेरिका -इजरायल द्वन्द्व सातौं दिनमा प्रवेश गर्दा शुक्रबार बिहान मध्यपूर्वमा इरानले आक्रमण गरेको हो ।
कतारी रक्षा मन्त्रालयले अल उदैद वायुसेनाको आधारस्थललाई लक्षित ड्रोन आक्रमण सफलतापूर्वक प्रतिरोध गरेको जनाएको छ। यो मध्यपूर्वको सबैभन्दा ठूलो अमेरिकी सैन्य केन्द्र हो ।
विगत एक घण्टामा इरानबाट प्रहार भएका मिसाइल र ड्रोन प्रतिरोध गरिएको कुवेती सेनाले सामाजिक सञ्जाल एक्समा लेखेको छ ।
रक्षा मन्त्रालयका प्रवक्ता ब्रिगेडियर जनरल साउद अब्दुलअजिज अल-अतवानका अनुसार, प्रतिरोधका क्रममा खसेको भागले एक सवारी साधनलाई क्षति पुर्यायो, तर कोही पनि कुनै घाइते भएनन् ।
साउदी अरेबियामा प्रिन्स सुल्तान वायुसेनाको आधारस्थललाई लक्षित तीन बालिस्टिक क्षेपणास्त्र नष्ट पारिएको रक्षा मन्त्रालयले शुक्रबार एक्समार्फत घोषणा गरेको छ ।
बहराइनको राजधानी मनाामामा एक होटेल र दुई आवासीय भवनमा मिसाइल प्रहार भएको गृह मन्त्रालयले शुक्रबार जानकारी दिएको छ। आगो निभाइएको छ ।
संयुक्त अरब इमिरेट्सले राति १ बजे जारी गरेको विज्ञप्तिमा इरानबाट आएका मिसाइल र ड्रोन खतराविरुद्ध हवाई रक्षा सक्रिय पारिएको जनाइएको छ ।
यी आक्रमणहरूले अमेरिकी सैन्य केन्द्रहरूलाई निशाना बनाएका छन् ।
