काठमाडौँ — अमेरिकी राष्ट्रपति डोनाल्ड ट्रम्प र इजरायली प्रधानमन्त्री बेन्जामिन नेतान्याहुबीचको भेटअघि इजरायलले आफ्नो नियन्त्रणमा रहेको प्यालेस्टाइनी भूभाग वेस्ट बैंकमा आक्रमण गरेको छ ।

 हेबर्नसहितका इलाकामा इजरायली सुरक्षा कर्मीले टियर ग्याँस फालेका छन् ।

यसै साता इजरायलले वेस्ट बैंकमा आफ्नो प्रभाव बिस्तार गर्ने लक्ष्यसहित नयाँ बसोबास कानुन ल्याएको थियो । प्यालेस्टिनी शरणार्थीका लागि संयुक्त राष्ट्रसंघीय एजेन्सीले यस कानुनको निन्दा गरेको छ । यसले प्यालेस्टिनीहरुको भविष्यलाई थप बर्बाद गर्ने निष्कर्ष राष्ट्रसंघको छ । 

अन्तर्राष्ट्रिय कानुन विपरीतको यस कदमले दुई- देश समाधानलाई थप जटिल बनाउने राष्ट्रसंघले जनाएको छ । नयाँ कानुनअनुसार यहुदीहरुले यस अवैध नियन्त्रणमा रहेकोक्षेत्रमा सहजै जग्गा–जमिन किन्न सक्नेछन् । सन् १९६७ देखि इजरायलले यस क्षेत्रलाई आफ्नो नियन्त्रणमा राखेको छ । त्यसैगरी, इजरायलले गाजामा पनि आक्रमण गरेको छ । दक्षिणी गाजाको खान युनुस क्षेत्रमा गोली चलाएको हो ।