काठमाडौँ — थाइल्यान्डमा आम निर्वाचनका लागि मतदान सुरु भएको छ। 

आइतबार स्थानीय समय अनुसार बिहान ८ बजे मतदान केन्द्रहरू खुलेका र साँझ ५ बजे बन्द हुने अलजजिराले बताएको छ।

निकै चासोका साथ हेरिएको चुनावमा प्रगतिशील सुधारवादी, सैन्य–समर्थित रूढीवादी र जनवादी शक्तिहरू प्रतिस्पर्धा गरिरहेका छन्।

५ करोड ३० लाख दर्ता मतदाता रहेको थाइल्यान्डमा सुस्त आर्थिक वृद्धिदर र बढ्दो राष्ट्रवादी भावनाबारे चर्को बहस भएको थियो।

चुनावमा ५० भन्दा बढी दल सहभागी भए पनि मुख्यगरि पीपुल्स पार्टी, भुमजाइथाई र फ्यु थाइ नै मुख्य प्रतिस्पर्धी मानिन्छ।

५ सय सिटका लागि भइरहेको यो चुनावबाट कुनै पनि दलले स्पष्ट बहुमत हासिल गर्ने सम्भावना कम रहेको सर्वेक्षणहरूले देखाइरहेको बताइएको छ।