पछिल्लो समय वासिङ्टन र तेहरानबीच तनाव चर्किएको छ। अमेरिकाले इरान नजिकको सागरमा  एयरक्राफ्ट क्यारियर लिएर राखेको छ। 

अमेरिकी राष्ट्रपति डोनाल्ड ट्रम्पले इरानले आफ्नो आणविक कार्यक्रम सीमित गर्ने सम्झौतामा वार्ता नगरे सैन्य कारबाही गर्ने धम्की दिँदै आएका छन्।

तेहरानमा भएको सरकारविरोधी प्रदर्शनमाथि घातक दमन भएको भन्दै इरानमाथि सैन्य कारबाही गर्ने चेतावनी पनि उनले दिएका थिए।

यसअघि इरानका सर्वोच्च नेता आयतोल्लाह अली खामेनीले आफ्नो  देशमाथि कुनै पनि आक्रमण भए ‘क्षेत्रीय युद्ध’ हुने चेतावनी दिएका थिए। यद्यपि, अमेरिका र इरानबीचको वार्ता यसै साता हुने तय भएको छ।

इरानले आफ्नो आणविक कार्यक्रम पूर्ण रूपमा शान्तिपूर्ण भएको दाबी गर्दै आएको छ र उसले आणविक हतियार विकास गर्न खोजिरहेको आरोप अस्वीकार गर्दै आएको छ।