अमेरिकामा रहेको इरानी अधिकार समूह मानव अधिकार कार्यकर्ता समाचार एजेन्सी (एचआरएएनए) का अनुसार २८ डिसेम्बरमा इरानमा प्रदर्शन सुरु भएदेखि कम्तिमा ६२ जनाको मृत्यु भएको छ ।
काठमाडौँ — इरानका सर्वोच्च नेता अयातोल्लाह अली खामेनाईले अमेरिकी राष्ट्रपति डोनाल्ड ट्रम्पको उक्साहटमा तेहरानमा आन्दोलन चलिरहेको बताएका छन् । सरकारी अधिकारीहरूले कडा दमन गरेर यस प्रदर्शनलाई मत्थर गर्ने चेतावनी उनले दिए ।
उनले यस्तो विरोध प्रदर्शनको सामना गर्नका लागि राष्ट्रवादी शक्तिहरुबीच एकता आवश्यक रहेको बताएका छन् ।
शुक्रबार इरानी सरकारी टिभीमार्फत उनले यस्तो आव्हान गरेका हुन् । खामेनीले प्रदर्शनकारीहरूले अमेरिकी राष्ट्रपति डोनाल्ड ट्रम्पलाई खुसी पार्ने काम गरिरहेको बताए ।
उनले सार्वजनिक सम्पत्तिमा आक्रमण गर्नेहरुलाई ‘विदेशीका लागि काम गर्ने भाडाका सैनिकका रुपमा व्याख्या गरे । ट्रम्पको हात इरानीहरुको रगतले रंगिएको उनले बताए ।
अमेरिकामा रहेको इरानी अधिकार समूह मानव अधिकार कार्यकर्ता समाचार एजेन्सी (एचआरएएनए) का अनुसार २७ डिसेम्बरमा इरानमा प्रदर्शन सुरु भएदेखि कम्तिमा ६२ जनाको मृत्यु भएको छ ।
यसमा १४ सुरक्षाकर्मी र ४८ प्रदर्शनकारीहरू छन् । राष्ट्रपति मसूद पेजेश्कियानले संयम अपनाउन आग्रह गरेका छन् ।
