म्यानहटन संघीय अदालतमा उपस्थित गराइएका मदुरोले आफू 'निर्दोष' रहेको बयान दिएका हुन् ।
काठमाडौँ — भेनेजुएलाका अपदस्थ राष्ट्रपति निकोलस मदुरोले आफूमाथि लगाइएका सबै आपराधिक आरोपहरू अस्वीकार गरेका छन् ।
बीबीसीमा प्रकाशित समाचार अनुसार म्यानहटन संघीय अदालतमा उपस्थित गराइएका मदुरोले आफू 'निर्दोष' रहेको बयान दिएका हुन् ।
मदुरोविरुद्ध 'नार्को-टेररिज्म' (लागूऔषध आतंकवाद) को षड्यन्त्र, मेसिन गन र विनाशकारी उपकरणहरू राखेको जस्ता अभियोगहरू समावेश छन् ।
जेलको नीलो बर्दीमा अदालत उपस्थित भएका ६३ वर्षीय मदुरोले न्यायाधीशसामु आफू एक 'सभ्य मानिस' र आफ्नो देशको निर्वाचित राष्ट्रपति भएको दाबी गरे ।
