काठमाडौँ — उत्तरी भारतको मथुरास्थित यमुना एक्सप्रेसवेमा मङ्गलबार बाक्लो कुहिरोबीच सातवटा बसहरू एकअर्कासँग ठोक्किएर आगलागी हुँदा कम्तिमा १३ जनाको मृत्यु भएको छ ।

युमना एक्सप्रेस वेअन्तर्गत आग्रा- नोयडा खण्डमा बिहान ४ बजेर ३० मिनेट जाँदा दुर्घटना निम्तिएको हो । घटनामा ६० जना भन्दा बढी घाइते भएको स्थानीय प्रहरीलाई उदृत गर्दै भारतीय सञ्चारमाध्यम टाइम्स अफ इन्डियाले जनाएको छ ।

घाइतेहरूलाई उपचारको लागि स्थानीय अस्पतालमा भर्ना गरिएको प्रहरीले जनाएको छ । सामाजिक सञ्जालमा राखिएको भिडियो फुटेजमा गाडीबाट ठुलो आगो निस्किएको देखिन्छ ।

भारतका प्रधानमन्त्री नरेन्द्र मोदी तथा उत्तर प्रदेशका मुख्यमन्त्री योगी आदित्यनाथले दुख व्यक्त गर्दै मृतकको चिरशान्ति तथा घाइतेको शिघ्र स्वास्थ्यलामको कामना गरेका छन् ।