१ लाख ८ हजारभन्दा धेरै मानिस राज्यले उपलब्ध गराएको अस्थायी सेल्टरमा बस्न बाध्य
एजेन्सी — श्रीलंकामा बाढीका कारण कम्तिमा १ सय ५९ जनाको मृत्यु भएको छ । पछिल्लो रिपोर्टअनुसार २ सयभन्दा धेरै बेपत्ता छन् ।
यस बाढीले २० हजारभन्दा धेरै घर ध्वस्त बनाएको छ । १ लाख ८ हजारभन्दा धेरै मानिस राज्यले उपलब्ध गराएको अस्थायी सेल्टरमा बस्न बाध्य रहेको विपद् व्यवस्थापन केन्द्रले जनाएको छ ।
स्थानीय अधिकारीहरुका अनुसार शनिबार आपत्काल घोषणा हुँदासम्म देशको झन्डै एक तिहाई भूभागमा विद्युत वा खानेपानी थिएन । केलानी नदीमा पानीको स्तर बढ्न थालेको छ । उद्धार टोलीलाई तयारी अवस्थामा राखिएको छ ।
क्यान्डी र बादुल्लामा सबैभन्दा धेरैजनाको मृत्यु भएको छ ।
