सबै बन्दीहरुलाई सुरक्षित फिर्ता ल्याउन गाजामा पूर्ण नियन्त्रण नै अन्तिम विकल्प भएको इजरायलको भनाइ
काठमाडौँ — प्यालेस्टिनी अतिवादी संगठन हमासले एक भिडियो जारी गरेको छ । जसमा दुई इजरायली बन्धक देखिएका छन् ।
हमासले ७ अक्टुबर २०२३ मा इजरायलमा आक्रमण गरी १२ सयभन्दा बढी नागरिकको हत्या गरेपछि बन्धक बनाइएकाध्ये दुई जनाको भएको अन्तर्राष्ट्रिय सञ्चार माध्यमहरुले जनाएका छन् ।
भिडियोमा गाइ गिलबोआ–दलाल अगस्टको अन्तिमसम्म गाजा शहरमा रहेको बताइएको छ । साथै भिडियोमा अन्य ८ जनालाई पनि बन्दी बनाइएको सुनिन्छ । र जमिनबाट इजरायली सैनिकको आक्रमणका बावजुद पनि ती बन्धकहरुलाई त्यहिँ राखिने बताइएको छ ।
भिडियोमा एक अर्का बन्धक अलोन ओहेल पनि देखिएका छन् । यसअघि पनि हमासले इजरायली बन्धकको भिडियो शेयर गरेको थियो । विश्वभरका नेता र पीडित परिवारले प्रोपोगान्डा बताउँदै यसको निन्दा गरेका थिए ।
इजरायल सरकारको क्याबिनेटमा दक्षिणपन्थी मानिने राष्ट्रिय सुरक्षामन्त्री इतेमार बेन–ग्वेरले गाजालाई पूर्ण रुपमा कब्जा गर्नु नै अन्तिम विकल्प रहेको बताएका छन् । पूरै नियन्त्रणपछि मात्रै बन्धकहरुलाई सुरक्षित फिर्ता ल्याउन सकिने उनले बताएको अन्तर्राष्ट्रिय समाचार संस्था बीबीसीले जनाएको छ ।
