दक्षिणी इजरायलमा भएको आक्रमणमा हमासले २५१ जनालाई अपहरण गरेकोमा नेपाली विद्यार्थी विपिन जोशीको अवस्था हालसम्म अज्ञात छ।
जेरुसेलम — इजरायले सेनाले गाजापट्टीमा एक अपरेशनका क्रममा हसमाले बन्धक बनाएका एक इजरायलीको शव बरामद गरेको छ । इलन वाइस नामका व्यक्तिको शव बरामद भएको हो ।
५६ वर्षीय इनल सन् २०२३ अक्टुबर ७ मा दक्षिणी इजरायलमा भएको आतंकवादी आक्रमणपछि हमासले अपहरण गरेको थियो ।
इजरायली सेनाले एक अन्य बन्धकको पनि अवशेष भेटिएको बताएको छ । तर उक्त अवशेषको पहिचान भने भइसकेको छैन ।
हमासको आक्रमणमा १२ सय भन्दा बढी इजरायली मारिएका थिए । २५१ जनालाई अपहरण गरी लगिएको थियो । मृतकमध्ये १० जना नेपाली विद्यार्थीहरु पनि थिए ।
यस्तै अपहरणमा परेकामध्ये नेपाली विद्यार्थी विपिन जोशीको अवस्था अहिलेसम्म अज्ञात छ । उक्त आक्रमणपछि इजरायलले सुरु गरेको सैन्य कारबाहीका क्रममा हालसम्म गाजामा ६३ हजारभन्दा बढीको मृत्यु भइसकेको छ ।
