पछिल्लो समय इरानमा अफगानी शरणार्थीहरुलाई जबरजस्ती निकाला गर्ने काम तीव्र पारिएको छ ।
काठमाडौँ — अफगानिस्तानमा एक बस दुर्घटनामा ७३ जनाको मृत्यु भएको छ । मृत्यु हुनेहरुमा १७ जना बालबालिका रहेका छन् ।
तालिबानका एक अधिकारीले बीबीसी पश्तोलाई दिएको जानकारी दएअनुसार अधिकांश मानिसहरु इरानबाट निकालिएका अफगानी प्रवासी रहेका छन् ।
तालिबानको सूचना तथा संस्कृति निर्देशक अहमदुल्ला मुक्तकीले काबुलतर्फ जाँदै गरेको बसमा आगो लागेको हो । बसमा सवारी सबैको मृत्यु भएको बताइएको छ । साथै बससँग ठोक्किने दुई गाडीमा सवार अर्का दुई जनाको पनि मृत्यु भएको छ ।
हालै इरानमा आन्तरिक संघर्षका कारओ भागेर आएका अफगानी नागरिकलाई देशबाट जबरजस्ती निकाल्ने अभियान तीव्र पारिएको छ ।
१९७० को दशकमा सोभियत आक्रमणका क्रममा र २०२१ मा तालिबान सत्तामा आएयता अफगानी नागरिकले ठूलो संख्यामा देश छाडेका छन् ।
संयुक्त राष्ट्र संघको शरणार्थी एजेन्सीका अनुसार जनवरी २०२५ देखि अहिलेसम्म १५ लाख भन्दा बढी अफगानीले देश छाडिसकेका छन् ।
