झडपपछि स्वेइदा सुनसान बनेको छ भने पसल बन्द छन् । निधन भएकाहरूको अन्त्येष्टि गर्दैगर्दा समेत गोली चलेको प्रत्यक्षदर्शीले बताएका छन् । ५१ वर्षीय स्थानीय बासिन्दा अबु तयमले भने, ‘दुई दिन गोला बारुद अनियमित रूपमा खसिरहेका थिए, हामी अत्यधिक त्रासमा छौं ।’ इजरायली सेनाले स्वेइदामा केही 

ट्यांकहरूमा आक्रमण गरेको दाबी गरे पनि घटनाको विस्तृत विवरण भने दिएको छैन । सिरियाली सरकारका रक्षा र गृह मन्त्रालयले सेनाको परिचालन, सर्वसाधारणका लागि सुरक्षित मार्ग र हिंसा चाँडै अन्त्य गर्ने प्रतिबद्धता जनाएका छन् । स्वेइदाका आध्यात्मिक ड्रुज नेताहरूले स्थिति नियन्त्रण गर्न दमास्कसलाई हस्तक्षेप गर्न आग्रह गरेका छन् । तर प्रमुख धार्मिक नेता शेख हिक्मत अल–हिज्रीले सुरक्षा निकायको प्रवेश अस्वीकार गर्दै ‘अन्तर्राष्ट्रिय संरक्षण’ को माग गरे ।