काठमाडौँ — अमेरिकाका राष्ट्रपति डोनाल्ड ट्रम्पले इरान–इजरायलबीचको युद्धमा अब युद्धविराम लागू भएको घोषणा गरेका छन् । उनले ट्रुथ सोसियलमा पोस्ट गर्दै भनेका छन्, ‘अब युद्धविराम सुरु भइसकेको छ । कृपया यसको उल्लंघन नगर्नुहोस् ।’

यसअघि बिहान उनले दुवै देशबीच युद्धविरामको सहमति भएको घोषणा गरेका थिए । गएराति तेहरानमा कैयौं मिसाइल आक्रमण गरिएको थियो ।

यसपछि मंगलबार बिहानै इरानले पनि इजरायलमा ब्यालेस्टिक मिसाइल प्रहार गरेको छ । इरानी आक्रमणमा मंगलबार बिहान मात्रै ४ जना इजरायली नागरिकको मृत्यु भएको छ । 

अन्तर्राष्ट्रिय सञ्चार माध्यमहरुका अनुसार म्गलबार बिहान मात्रै इरानले इजरायलमा ६ पटक ब्यालेस्टिक मिसाइल प्रहार गरिसकेको छ । यता इरानको सरकारी टिभीका अनुसार युद्धविराम सुरु हुनुअघि अन्तिम मिसाइल प्रहार गरिएको हो ।