यो दुर्घटना भारतीय उड्डयन क्षेत्रकै दशकपछिको ठूलो हो । ७ अगस्ट, २०२० मा एयर इन्डियाकै जहाज केरलको कालिकट अन्तर्राष्ट्रिय विमानस्थलमा अवतरणका क्रममा दुर्घटनाग्रस्त भएको थियो । उक्त दुर्घटनामा १८ जनाको मृत्यु भएको थियो भने १७२ जना सकुशल रहेका थिए ।

भारतमा भएका ठूला विमान दुर्घटना

• २२ मे २०१० मा एयर इन्डियाको दुबई-मेंग्लोर उडान मेंग्लोर विमानस्थलमा ओभरसूटका कम्रमा दुर्घटनामा परेको थियो । उक्त दुर्घटनामा १५८ जनाको मृत्यु भएको थियो । उक्त दुर्घटनामा ८ जना बाँचेका थिए ।
• १७ जुलाई २००० मा अलायन्स एयरको जहाज पटनाको आवासीय क्षेत्रमा दुर्घटना हुँदा जहाजमा रहेका ५५ जना र तल रहेका ५ जनाको मृत्यु भएको थियो ।
• १२ नोभेम्बर १९९६ मा चरखी दादरीमा आकाशमै साउदी अरेबियन एयरलाइन्स र कजाकास्तान एयरलाइन्स ठोक्किँदा दुवै जहाजका गरी ३४९ जनाको मृत्यु भएको थियो ।
• २६ अप्रिल १९९३ मा इन्डियन एयरलाइन्सको जहाज औरंगाबादमा दुर्घटना हुँदा ५५ जनाको मृत्यु भएको थियो भने ६६ जना घाइते भएका थिए ।
• १६ अगस्ट १९९१ मा इन्डियन एयरलाइन्सको जहाज इम्फालमा दुर्घटना हुँदा ६९ जनाको मृत्यु भएको थियो ।
• १४ फेब्रुअरी १९९० मा इन्डियन एयरलाइन्सको जहाज बेंग्लोर विमानस्थलमा दुर्घटना हुँदा ९२ जनाको मृत्यु भएको थियो ।
• १९ अक्टोबर १९८८ मा इन्डियन एयरलाइन्सको जहाज अहमदाबाद विमानस्थलमा दुर्घटनामा परेको थियो । उक्त दुर्घटनामा १३३ जनाको मृत्यु भएको थियो ।
• २२ जुन १९८२ मा एयर इन्डियाको जहाज मुम्बईमा खराब मौसमका कारण दुर्घटनामा पर्दा १७ जनाको मृत्यु भएको थियो । उक्त दुर्घटनामा ९४ जना बाँच्न सफल भएका थिए ।
• १ जनवरी १९७८ मा मुम्बईको बान्द्रा समुद्री किनारमा एयर इन्डियाको जहाज दुर्घटना हुँदा २१३ जनाको मृत्यु भएको थियो ।
• १२ अक्टोबर १९७३ मा इन्डियन एयरलाइन्सको जहाज दिल्ली विमानस्थलमा दुर्घटना हुँदा ४८ जनाको मृत्यु भएको थियो भने १७ जना घाइते भएका थिए ।
• १४ जुन १९७२ मा दिल्ली विमानस्थलनजिकै जापान एयरलाइन्सको जहाज दुर्घटना हुँदा ८२ जनाको मृत्यु भएको थियो ।
• २८ जुलाई १९६३ मा युनाइटेड अरब एयरलाइन्सको जहाज मुम्बई विमानस्थलमा दुर्घटना हुँदा ६३ जनाको मृत्यु भएको थियो ।
• ७ जुलाई १९६२ मा अल्टिलियाको जहाज मुम्बईको उत्तरी भेगमा दुर्घटना पर्दा ९४ जनाको मृत्यु भएको थियो ।