कीएभ — युक्रेनका विभिन्न ठाउँमा रुसले गरेको हवाई आक्रमणमा परी १३ जनाको मृत्यु भएको छ भने ५६ जना घाइते भएका छन् ।
युक्रेनी वायु सेनाका अनुसार रुसले २५० ड्रोन र १४ वटा ब्यालेस्टिक मिसाइल प्रहार गरेको हो । राजधानी कीएभमा प्रहार गरिएका मिसाइल र ड्रोनका कारण कैयौं सरकारी संरचनाहरु ध्वस्त बनेका छन् ।
६ मिसाइल र २४५ ड्रोनलाई भने खसालेको युक्रेनी वायु सेनाले दाबी गरेको छ । कीएभमा मात्र १४ जना घाइते भएको बताइएको छ ।
आक्रमणबारे युक्रेनी राष्ट्रपति भ्लोदिमिर जेलेन्स्कीले सामाजिक सञ्जाल एक्समा लेखेका छन्, ‘यस्ता हरेक आक्रमणसँगै विश्वलाई थप स्पष्ट हुँदैछ कि युद्ध लम्ब्याउन हामी होइनौं रुस चाहन्छ ।’
