अमेरिका — अमेरिकाका पूर्व राष्ट्रपति जो बाइडेनलाई ‘हाई ग्रेड’ प्रोस्टेट क्यान्सर भएको छ । उनको यो क्यान्सर हड्डीसम्म फैलिएको बताइएको छ । 

अन्तर्राष्ट्रिय सञ्चारमाध्यमका अनुसार उनको कार्यालयले एक बयान जारी गर्दै यसबारे जानकारी दिएको हो । 

८२ वर्षीय बाइडेन पिशाबसँग जोडिएका समस्याबारे गतसाता चिकित्सकसँग जाँचका लागि गएका थिए । शुक्रबार उनलाई क्यान्सर भएको पत्ता लागेको थियो । 

उनको समस्यालाई ‘हाई ग्रेड’ क्यान्सरका रुपमा वर्गीकृत गरिएको छ । क्यान्सर रिसर्च युकेका अनुसार यसको अर्थ क्यान्सरका कोशिका तीव्र गतिमा फैलिन सक्ने अवस्था हो । 

बाइडेन र उनको परिवारले यो क्यान्सरको उपचारका लागि विकल्पहरुबारे समीक्षा गरिरहेका छन् । पूर्व राष्ट्रपति कार्यालयले क्यान्सर हार्मोन सेन्सेटिभ भएको बताएको छ ।