जेरुसलेम — गाजामा इजरायलले गरेको आक्रमणमा ज्यान गुमाउनेको संख्या १ सय ३ पुगेको छ । अन्तर्राष्टिय सञ्चार माध्यमहरूका अनुसार दर्जनौं मानिसहरू घाइते भएका छन् ।

हमासद्वारा सञ्चालित स्वास्थ्य मन्त्रालयका अनुसार इजरायलले खान युनिस, बेइत लाहिया र देर अल-बलाह क्षेत्रमका विभिन्न स्थानमा बुधबार मध्य रातदेखि हवाई आक्रमण सुरू गरेको हो । 

दक्षिणी क्षेत्रका कम्तीमा ९ अलग-अलग स्थानमा आक्रमण भएको मन्त्रालयको भनाइ छ । त्यस्तै, इजरायलले उत्तरी गाजाका स्थानीयलाई गाजाका केही भाग छोड्न आदेश दिएको छ ।

गाजामा प्रवेश गर्ने सहायतामाथि इजरायली नाकाबन्दी जारी रहँदा हवाई आक्रमण गरिएको हो । उक्त क्षेत्रमा इजरायलले १० सातादेखि कुनै पनि आपूर्ति हुन दिएको छैन ।