अमेरिका — न्यूयोर्क प्रहरीले दर्जनौं प्यालेस्टिनी समर्थक प्रदर्शनकारीलाई पक्राउ गरेको छ । बुधबार कोलम्बिया विश्वविद्यालयको एक मुख्य पुस्तकालय कब्जा गरेर प्यालेस्टाइनको समर्थनमा नाराबाजी गर्ने उनीहरुलाई पक्राउ गरिएको हो ।
कोलम्बिया विश्वविद्यालयका अध्यक्ष क्येयर शिपमेनको एक बयान अनुसार बुधबार प्रदर्शनकारीले जबरजस्ती बटलर पुस्तकालयमा घुसेका थिए । यस क्रममा विश्वविद्यालयका दुईजना सुरक्षाकर्मी घाइते भएको अन्तर्राष्ट्रिय समाचार संस्था बीबीसीले जनाएको छ ।
शिपमेनले भनेका छन्, ‘स्थिति असमान्य भएपछि न्यूयोर्क प्रहरीको सहायता मागिएको थियो ।’ न्यूयोर्क प्रहरी डिपार्टमेन्टले पनि एक्समा एक पोस्ट लेख्दै यसको पुष्टि गरेको छ ।
प्रहरीका अनुसार कोलम्बिया विश्वविद्यालयको अनुरोमा न्यूयोर्क प्रहरीले क्याम्पसको स्थितिमा कारबाही गरेको हो । जहाँ कयौं विद्यार्थीहरुले पुस्तकालय कब्जा गरेका थिए । ७० भन्दा बढी प्रदर्शनकारीलाई पक्राउ गरिएको छ । प्रदर्शनकारीमध्ये केही सोही विश्वविद्यालयका विद्यार्थी रहेको बताइएको छ ।
