काठमाडौँ — युक्रेनका अधिकारीहरुले शनिबार रुसी आक्रमणबाट कम्तिमा २५ जनाको मृत्यु भएको बताएका छन् ।
स्थानीय अधिकारीका अनुसार दोनेत्स्कमा भएको एक आक्रमणमा मात्रै कम्तिमा ११ जना मारिनुका साथै ४० जना घाइते भएका छन्, जसमा ६ जना बालबालिका रहेका छन् ।
यो आक्रमणमा खारकीएभ र ओडेसासहित अन्य क्षेत्रका आसावीय परिसर र संरचनालाईसमेत निशाना बनाइएको छ ।
अमेरिकाले युक्रेनलाई सैन्य सहयोग र गोपनीय जानकारी दिन रोक लगाएको छ । यसपद्धि रुसले हालैका दिनमा आक्रमणलाई तीव्र पारेको छ । रुसद्वारा युक्रेनमाथि गरिएको ताजा आक्रमणलाई लिएर पोल्यान्डका प्रधानमन्त्री डोनाल्ड टस्कले प्रतिक्रिया दिएका छन् ।
सामाजिक सञ्जालमा उनले लेखेका छन्, ‘जब तपाईं कुनै बर्बरतालाई खुसी पार्नुहुन्छ । तब धेरैभन्दा धेरै बम, धेरै तनाव र धेरै पीडित हुन्छन् ।’
