काठमाडौँ — बलिउड अभिनेता सैफ अली खानको स्वास्थ्य अवस्थामा क्रमिक सुधार भएको छ । बिहीबार बिहानै चक्कु प्रहारबाट घाइते भएका सैफको स्वास्थ्य अवस्थामा सुधार आएको मुम्बईस्थित लीलावती अस्पतालले जनाएको छ । अस्पतालका डाक्टर नितिन डांगीका अनुसार सैफको स्वास्थ्य अवस्था स्थिर रहेको छ ।

उनको स्वास्थ्यमा पहिले भन्दा सुधार आएको पनि उनको भनाइ छ । उपचारका संलग्न चिकित्सकहरूका अनुसार अहिले सामान्य हिँडडुल गर्न सक्ने भएका छन् उनी । यद्यपि उनलाई धेरै हिँडडुल गर्न भने दिइएको छैन । पूर्ण रूपमा स्वस्थ हुन केही समय लाग्ने पनि अस्पतालले जनाएको छ । उनलाई आईसीयूबाट स्पेसल रुममा सिफ्टसमेत गरिएको छ । 

बिहीबार राति एक व्यक्ति बान्द्रास्थित सैफको घरमा पुगेर उनको शरीरका विभिन्न भागमा चक्कु हानेका थिए । कम्मरको हड्डी र गर्दनमा अलि गहिरो चोट लागेको पनि अस्पतालले जनाएको छ । 

चिकित्सकका अनुसार सैफ रगताम्मे भएर लीलावती  अस्पताल पुगेका थिए । उनी ८ वर्षीय छोरा तैमूरसँगै बिनास्ट्रेचर नै अस्पताल पुगेको एनडीटीभीले जनाएको छ । 

एक जना संदिग्ध व्यक्ति पक्राउ