काठमाडौँ — सन् १९४३ मा आजकै दिन (अगस्ट ११) मा पाकिस्तानी पूर्वप्रधानमन्त्री परवेज मुसर्रफको जन्म भएको थियो । उनको जन्म भारतीय राजधानी नयाँदिल्लीमा भएको थियो ।
सेन्ट प्याट्रिक्स हाईस्कुल कराँचीबाट अध्ययन सुरु गरेका मुसर्रफले लाहोरस्थित क्रिस्चियन कलेजबाट उच्च शिक्षा हासिल गरेका थिए । १९९८ मा पाकिस्तानको सेनाप्रमुख बनेका मुसर्रफले १९९९ अक्टोबर १२ मा रक्तपातविहीन सैनिक ‘कु’ गरेर सत्ता हत्याएका थिए ।
पछि उनलाई दुईवटा हत्याको अभियोगसमेत लागेको थियो । मुसर्रफमाथि पाकिस्तानकी पूर्वप्रधानमन्त्री बेनजिर भुट्टो र रेड मस्जिदका धर्मगुरुको हत्याको अभियोग लगाइएको थियो । उनीमाथि २००७ को संविधानलाई निलम्बनसम्बन्धी राष्ट्रद्रोहमा समेत मुद्दा लगाइएको थियो ।
यूएईस्थित अमेरिकन हस्पिटलमा एमिलोइडोसिस रोगको उपचार गराइरहेका मुसर्रफको ७९ वर्षको उमेरमा २०२३ फेब्रुअरी ५ मा निधन भएको हो ।
